Yuxarı
    Bağlamaq

    MTRŞ nümayəndələri BRAF-ın 7-ci toplantısında iştirak edib

    Toplantı zamanı yayım tənzimləyici orqanların fəaliyyəti müzakirə olunub

    Bakı. 14 sentyabr. REPORT.AZ/ Qara Dəniz İqtisadi Əməkdaşlıq Təşkilatına daxil olan ölkələrin Yayım Tənzimləyici Orqanlarının Forumunun (BRAF) 7-ci Toplantısı keçirilib.

    Milli Televiziya və Radio Şurasından (MTRŞ) "Report"a verilən məlumata görə, MTRŞ Aparatının rəhbəri Toğrul Məmmədov və Şura Aparatının Hüquq və beynəlxalq əlaqələr şöbəsinin aparıcı məsləhətçisi Fazil Novruzov Moldovanın Kişinyov şəhərində keçirilən Qara Dəniz İqtisadi Əməkdaşlıq Təşkilatına daxil olan ölkələrin Yayım Tənzimləyici Orqanlarının Forumunun (BRAF) 7-ci toplantısında iştirak edib.

    Toplantı zamanı üzv dövlətlərdə seçkilər zamanı yayım tənzimləyici orqanların fəaliyyəti, tənzimləyici qurumların apardığı monitorinq fəaliyyəti, audiovizual media sahədə tənzimləyici qurumlar tərəfindən şikayətlərin qəbul olunması, araşdırılması və onlara cavab verilməsi ilə bağlı mövzular müzakirə olunub. BRAF-ın növbəti 8-ci toplantısının 2017-cı ildə Serbiyanın Belqrad şəhərində keçirilməsi qərara alınıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi