Yuxarı
    Bağlamaq

    ​MTRŞ: Mikayıl Güləddinoğlunun verilişi bayağıdır, amma bu, qanun pozuntusu deyil

    Bu barədə konkret qərar qəbul etmək olmur

    Bakı. 9 dekabr. REPORT.AZ/ "Hər hansı bir verilişin bayağı olması qanun pozuntusu deyil".

    Bunu "Report"a Milli Televiziya və Radio Şurasının (MTRŞ) Ekspertiza, proqramlaşdırma, və analitik şöbəsinin müdiri Təvəkkül Dadaşov deyib.

    O bildirib ki, MTRŞ televiziya kanallarına efirdə yayımlanan bəzi əyləncə xarakterli bayağı proqramlarla bağlı tövsiyələrini verməkdə davam edir: "Aparıcı Mikayıl Güləddinoğlunun təqdimatında efirə gedən "Məhəbbət əhvalatları" verilişində bayalığın azaldılması istiqamətində tədbirlərin görülməsi üçün əlavə tövsiyələr verilib. Amma bayağılıq yenə də var. Bayağılıq qanun pozuntusu deyil. Ona görə bu barədə konkret qərar qəbul etmək mümkün deyil".

    T.Dadaşov bildirib ki, verilişə baxıb-baxmamaq tamaşaçının zövq məsələsidir. Onun sözlərinə görə, bayağı verilişləri və onların aparıcılarını sevən insanların sayı kifayət qədərdir: ""Sevimli şou", eləcə də digər verilişdən xoşlanmayan insanlar da kifayət qədərdir. Ona görə də verilişi izləmək tamaşaçının zövqündən asılı bir məsələdir". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi