Bakı. 13 may. REPORT.AZ/
Bu barədə "Report"a Şuradan məlumat verilib.
Məlumatda bildirilib ki, ATƏT, Ailə, Qadın və Uşaq Problemləri üzrə Dövlət Komitəsi və Mətbuat Şurasının nümayəndələrindən ibarət qiymətləndirmə komissiyası mayın 1-dən noyabrın 30-dək məişət zorakılığına dair yayımlanan video reportajları qiymətləndirəcək.
Müsabiqə üçün həmin müddətdə ənənəvi və elektron televiziya kanallarında yayımlanan video reportajlar təqdim oluna bilər.
Dil və janr məhdudiyyəti nəzərdə tutulmur.
Qaliblər sertifikat və pul mükafatları ilə təltif ediləcək. Müsabiqədə 1-ci yerə - 1500 AZN, 2-ci yerə – 1200 AZN, 3-cü yerə – 1000 AZN pul mükafatı veriləcək.
Xüsusi mükafat - “Gənc jurnalistin təqdim etdiyi ən uğurlu reportaj” (25 yaşına çatmamış müəlliflər arasında) – 1000 AZN pul mükafatı alacaq.