Yuxarı

​ATƏT-in Bakı Layihə Əlaqələndiricisi və Azərbaycan Mətbuat Şurası jurnalistlər üçün təlim təşkil edəcək

Təlimin məqsədi jurnalistlərə məişət və gender əsaslı zorakılıq fenomeni haqqında məlumat verməkdən ibarətdir

Bakı. 27 may. REPORT.AZ/ ATƏT-in Bakı Layihə Əlaqələndiricisi və Azərbaycan Mətbuat Şurası məişət və gender əsaslı zorakılıq haqqında məqalə/reportajların hazırlanmasına dair təlimdə iştirak etmək istəyən jurnalistlər üçün ərizə qəbulunu elan edib.

Bu barədə "Report"a Mətbuat Şurasından məlumat verilib.

Təlimin məqsədi jurnalistlərə məişət və gender əsaslı zorakılıq fenomeni, eləcə də müvafiq yazıların hazırlanması zamanı nəzərə alınması vacib olan etik və peşəkar prinsiplər haqqında ətraflı məlumat verməkdən ibarətdir.

Layihə çərçivəsində iki-üç günlük təlim təşkil olunacaq. Birinci təlim Bakıda fəaliyyət göstərən jurnalistlər üçün bu ilin iyun/iyul ayında, ikincisi isə regionlarda fəaliyyət göstərən jurnalistlər üçün oktyabr ayında təşkil olunacaq. Ümumilikdə, təlimlərdə iştirak etmək üçün 40 jurnalist seçiləcək.

Maraqlanan jurnalistlər müvafiq ərizəni doldurub iyunun 12-dək ATƏT-in Bakı Layihə Əlaqələndiricisinin ofisinə (e-mail: Aygun.Huseynli@osce.org) göndərə bilərlər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi