Yuxarı

Mətbuat Şurası bələdiyyə seçkisində jurnalistlərin prosesi işıqlandırmalarının monitorinqini aparacaq

Peşə vəzifəsini yerinə yetirən jurnalistlərin sərbəst fəaliyyət göstərmələri üçün tədbirlər görüləcək

Bakı. 23 dekabr. REPORT.AZ/ Azərbaycan Mətbuat Şurası dekabrın 23-də keçiriləcək bələdiyyə seçkisində jurnalistlərin prosesi işıqlandırmalarının monitorinqini aparacaq.

Mətbuat Şurasından bildirilib ki, bu məqsədlə Şuranın İdarə Heyətinin üzvləri ölkənin müxtəlif bölgələrindəki, o cümlədən paytaxt Bakı şəhərindəki seçki məntəqələrində olacaqlar.
Bununla yanaşı Mətbuat Şurasının “qaynar xətt” rejimində fəaliyyət göstərəcək (012) 441 35 96 telefon nömrəsi də saat 08.00-dan başlayaraq jurnalistlərin ixtiyarında olacaq. Həmçinin səsvermə prosesini işıqlandıran kütləvi informasiya vasitələrinin təmsilçiləri gün ərzində (055) 201 99 26 və (050) 534 93 26 mobil nömrələri ilə də əlaqə saxlaya, üzləşə biləcəkləri mümkün durumlar barədə məlumat verə bilərlər.
Qeyd edək ki, “qaynar xətt” rejimində fəaliyyət göstərən telefon nömrələrinə daxil olan müraciətlərin araşdırılması üçün Mətbuat Şurası Mərkəzi Seçki Komissiyası və digər əlaqədar qurumlarla daimi əlaqədə olacaq və peşə vəzifəsini yerinə yetirən jurnalistlərin tam sərbəst şəkildə fəaliyyət göstərmələri üçün bütün tədbirlər görüləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi