Yuxarı

Madriddə "Xəbərlər muzeyi" açılıb

Muzeyin fondunda 12 milyondan artıq foto, qədim yazı və çap avadanlıqları var

Bakı. 24 mart. REPORT.AZ/ İspaniyanın Baş naziri vəzifəsini icra edən Mariano Raxoy "Xəbərlər muzeyi"nin açılışında iştirak edib. Madriddə açılmış muzeydə EFE informasiya agentliyinin materialları sərgilənir.

Burada dünyanın ən böyük ispandilli informasiya agentliyi olan EFE-nin yarandığı 1939-cu ildən bəri fəaliyyəti ilə tanış olmaq mümkündür. Muzeyin fondunda 12 milyondan artıq foto, qədim yazı və çap avadanlıqları var.

EFE-nin baş ofisinin binasında yaradılmış muzeyin həm də peşəkar jurnalistlərin görüş yeri olacağı ehtimal olunur. Muzeyə İspaniyanın bir neçə böyük şirkəti himayədarlıq edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi