Yuxarı

İtaliya mətbuatında Bakı şəhərinə həsr olunmuş məqalə dərc edilib

İtaliyalı jurnalist məqalədə Bakıya səfərlərindən söz açıb

Bakı. 19 sentyabr. REPORT.AZ/ İtaliyanın “Turistipercaso” jurnalının elektron variantında jurnalist Marko Lakonettinin müəllifi olduğu “Bakı (2012-2016): şəhərin dəyişikliyinin minlərlə simaları” adlı məqalə dərc olunub.

Azərbaycanın İtaliyadakı səfirliyindən "Report"a verilən məlumata görə, italiyalı jurnalist məqalədə Azərbaycana səfəri zamanı əldə etdiyi təəssüratları haqqında məlumat verir.

Sözügedən məqalədə Marko Lakonetti adlı italyan jurnalisti fərqli dövrlərdə Bakıya səfərinə dair söz açır və qısa bir dövrdə Bakının simasının daha da gözəlləşməsindən bəhs edir. Yazıda jurnalist 2012-ci ildə Bakıya ilk səfəri haqqında təəsüratlarını bölüşür. 2016-cı ildə Bakı şəhərinə növbəti səfərini edən italiyalı jurnalist müşahidə etdiyi inkişafdan məlumat verir və bu dəyişikliklərə heyran qaldığını bildirir. Bakı memarlığından söz açan müəllif burada Barrokko və Neoklassik nümunələrlə yanaşı, müasir tipli tikililərin, o cümlədən, Bakı Beynəlxalq Dəniz Ticarət Limanı, Yeni hava limanı, "Flame Towers" haqqında məlumat verir. Bakının nəfis memarlıq abidələri, gözəl binaları şəhərin simasını çox qısa bir zamanda dəyişdiyini yazır. Ölkədəki inkişafın canlı şahidi olan Marko Lakonetti Bakıda ənənəvi memarlıq abidələrinin müasir memarlıq abidələri ilə sintez təşkil etdiyini qeyd edir.

Eyni zamanda, jurnalist Bakı şəhərinin turistik imkanları haqqında geniş məlumat verir.

Yazı ilə aşağıdakı linkdən tanış olmaq mümkündür:

http://turistipercaso.it/baku/75696/baku-2012-2016-il-cambiamento-della-citta-dai-mill.html

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi