Yuxarı

"Facebook" jurnalistlərlə daha fəal əməkdaşlıq etməyə hazırlaşır

Bu gün Facebook Journalism Project layihəsi istifadəyə verilib

Bakı. 12 yanvar. REPORT.AZ/ Bu gün "Facebook" sosial şəbəkəsi şirkətin jurnalistlər və naşirlərlə daha sıx əməkdaşlığını nəzərdə tutan "Facebook Journalism Project" layihəsini istifadəyə verib.

"Report" xəbər verir ki, bu barədə şirkətin bəyanatında bildirilir.

"Biz məhsullar hazırlamaq üçün xəbər qurumları ilə əməkdaşlıq edəcəyik, jurnalistlərin ən yaxşı tərəfdaşı olmağı öyrənəcəyik və rəqəmsal dövrdə məlumatlı oxucu olmaq üçün insanlara ehtiyac duyduqları bilikləri onlara necə verməyi anlamaq üçün naşirlərlə işləyəcəyik. Layihənin bəyan edilən istiqamətləri arasında xəbər məhsullarının birgə hazırlanması, treninqlər və həm jurnalistlər, həm də bütün istifadəçilər üçün alətlər var", - deyə şirkətin məlumatında qeyd olunur.

Layihənin istifadəyə verilməsi "Facebook"un saxta xəbərlərlə mübarizə proqramının bir hissəsidir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi