Yuxarı

Azərbaycan Prezidentinin ​MTRŞ-ya ayırdığı vəsait 6 telekanal arasında bölünüb

Bununla bağlı qərar MTRŞ-nın iclasında qəbul edilib

Bakı. 19 may. REPORT.AZ/ Milli Televiziya və Radio Şurasının iclası keçirilib.

Qurumdan "Report"a verilən məlumata görə, iclasda "Azərbaycan Respublikasında özəl teleradio yayımçılarına birdəfəlik maliyyə yardımı göstərilməsi haqqında" Azərbaycan Prezidentinin 12 may 2016-cı il tarixli sərəncamına uyğun olaraq teleradio yayımçılarına maliyyə yardımının ayrılması məsələsi müzakirə olunub.

2016-cı il dövlət büdcəsində nəzərdə tutulan Azərbaycan Prezidentinin ehtiyat fondundan Milli Televiziya və Radio Şurasına ayrılan 2 milyon manat vəsaitin ümumrespublika özəl televiziya yayımçılarına bərabər şəkildə ayrılması barədə qərar qəbul edilib. Bu vəsait ATV, ANS TV, Xəzər TV, Space TV, Lider TV, Region TV arasında bərabər bölünəcək. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi