AzEdu.az təhsil saytı fəaliyyətə başlayıb

Bakı. 1 mart. REPORT.AZ/ Bu gün Azərbaycanda yeni media qurumu – AzEdu.az saytı fəaliyyətə başlayıb.

“Report”un xəbərinə görə, saytın yaradıcısı Parlament Jurnalistləri Birliyinin sədri Elşad Eyvazlıdır.

AzEdu.az təhsil saytıdır. Saytın hansı zərurətdən yaranmasından danışan E.Eyvazlı bildirib ki, bu sahədə müəyyən boşluqlar var: “Ciddi bir təhsil komandası ilə bu işə başladıq. Komandanın üzvləri arasında yeni təhsil ekspertlərindən tutmuş, xaricdə təhsil almış gənclərə qədər müxtəlif insanlar var. Qarşımıza böyük məqsədlər qoymuşuq və hədəflərə çatmaqda çox israrlıyıq”.