Yuxarı
    Bağlamaq

    ​Avropa Şurasının nümayəndələri Azərbaycan Mətbuat Şurasında olublar

    Əflatun Amaşov ölkədə söz və ifadə azadlığı ilə bağlı prosesləri diqqət mərkəzində saxladığını deyib

    Bakı. 24 iyun. REPORT.AZ/ Bu gün Avropa Şurasının Azərbaycanda səfərdə olan nümayəndələri Leila Marçaniya və Şahin Abbasov Azərbaycan Mətbuat Şurasında (MŞ) olublar. Bu barədə “Report”a MŞ-dan məlumat verilib.

    MŞ sədri Əflatun Amaşov onlara rəhbərlik etdiyi qurumun fəaliyyət istiqamətləri barədə məlumat verib. Şuranın ölkədə söz və ifadə azadlığı ilə bağlı prosesləri diqqət mərkəzində saxladığını deyən Ə.Amaşov rəhbəri olduğu qurumun mövcud istiqamətdə Avropa Şurasının Bakı ofisi ilə də sıx əməkdaşlıq etdiyini vurğulayıb.

    Qeyd edək ki, AŞ nümayəndələrinin Azərbaycana səfəri qurumun “Proqramlar üzrə Əməkdaşlıq Çərçivəsi”nin “İfadə və mətbuat azadlığı” layihəsi əsasında reallaşdırılmaqdadır. Layihə barədə məlumat verən L.Marçaniya mövcud xüsusda Azərbaycan Mətbuat Şurası ilə də əlaqələrin zəruriliyini vurğulayıb.

    Görüşdə qarşılıqlı maraq doğuran məsələlər ətrafında fikir mübadiləsi aparılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi