Yuxarı

​MTRŞ ANS TV-yə xəbərdarlıq edib

Milli Televiziya və Radio Şurasının növbəti iclası keçirilib

Bakı. 16 dekabr. REPORT.AZ/ Bu gün Azərbaycan Milli Televiziya və Radio Şurasının növbəti iclası keçirilib.

Şuradan "Report"a verilən məlumata görə, iclasda “ANS Müstəqil Yayım və Media Şirkəti” tərəfindən “Televiziya və radio yayımı haqqında” qanunun tələblərinin pozulması faktı üzrə inzibati icraata dair işə baxılıb.

ANS televiziyasında 11 dekabr 2014-cü il tarixində saat 16:30-19:00 radələrində efirə getmiş olan “Adam içində” verilişində “Uşaqların və yetkinlik yaşına çatmayanların fiziki, əqli və mənəvi inkişafına ziyan vura bilən və kodsuz yayımlanan, o cümlədən erotikanı və qəddarlığı əks etdirən proqramlar üçün xüsusi Qaydalar”ın 2.8-ci bəndinə zidd olaraq ədəbsiz ifadələrdən (saat 17:40, 17:44) istifadə edildiyinə görə “ANS Müstəqil Yayım və Media Şirkəti”nə xəbərdarlıq edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi