Yuxarı
    Bağlamaq

    ​ANS-in MTRŞ-ya qarşı daha dörd apellyasiya şikayətinə baxılıb

    ANS-in apellyasiya şikayətləri yenə təmin edilməyib

    Bakı. 17 mart. REPORT.AZ/ Bu gün Bakı Apellyasiya Məhkəməsində ANS Müstəqil Yayım və Media Şirkətinin Milli Televiziya və Radio Şurasına (MTRŞ) qarşı daha dörd inzibati iddiasına baxılıb.

    "Report"un məlumatına görə, ayrı-ayrı hakimlərin - Qədim Babayev, Mirzəli Abbasov, İlqar Murquzov və Rizvan Səfərovun sədrliyi ilə keçirilən proseslərdə qərarlar elan edilib.

    Qərarlara əsasən, ANS-in apellyasiya şikayətləri yenə təmin edilməyib. Qərarlar dəyişdirilmədən saxlanılıb.

    Qeyd edək ki, MTRŞ 23 dekabr 2015-ci il tarixində inzibati tənbeh vermə haqqında qərarlar çıxarıb. Həmin qərarlardan ANS Səbail Rayon Məhkəməsinə müraciət edib. Məhkəmə həmin qərarları ləğv edərək, inzibati xəta haqqında işə yenidən baxılması üçün Milli Televiziya və Radio Şurasına göndərib. Daha sonra ANS Müstəqil Yayım və Media Şirkəti həmin məhkəmə qərarlarından apellyasiya şikayəti verib.

    Xatırladaq ki, daha əvvəl də Bakı Apellyasiya Məhkəməsində ANS-in MTRŞ-nın 23 dekabr 2015-ci il tarixində inzibati tənbeh vermə haqqında iki qərarından verilmiş apellyasiya şikayətlərinə baxılıb. Məhkəmə ANS-in apellyasiya şikayətlərini təmin etməyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi