Yuxarı
    Bağlamaq

    2016-cı ildə 93 jurnalist qətlə yetirilib, 29 nəfəri həlak olub

    Daha çox jurnalist İraqda öldürülüb

    Bakı. 31 dekabr. REPORT.AZ/ 2016-cı ildə 93 jurnalist qətlə yetirilib, daha 29 nəfər isə bədbəxt hadisə nəticəsində həyatını itirib.

    "Report" xəbər verir ki, bu barədə Beynəlxalq Jurnalistlər Federasiyasının (IFJ) statistik məlumatında bildirilir.

    Təşkilat qeyd edir ki, 112 jurnalistin qətlə yetirildiyi 2015-ci il ilə müqayisədə göstəricilər yaxşılaşıb. Daha çox jurnalist İraqda (15), Əfqanıstanda (13) və Meksikada (11) qətlə yetirilib. Ən az jurnalist isə Suriyada (6), Hindistanda (5) və Pakistanda (5) öldürülüb.

    Bədbəxt hadisə nəticəsində həlak olan 29 jurnalist və KİV nümayəndəsindən 9 nəfəri Rusiya Müdafiə Nazirliyinin "Tu-154" təyyarəsinin Qara dəniz üzərində, daha 20 nəfər isə Braziliyanın "Şapekoense" futbol klubunu aparan təyyarənin Kolumbiyada qəzaya uğraması nəticəsində həyatını itirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi