Bakı. 8 iyun. REPORT.AZ/ CNN telekanalı Azərbaycan idmanına həsr olunan süjet hazırlayıb. "Report" xəbər verir ki, CNN-in "Yolda" adlanan rubrikasının növbəti buraxılışı "Azərbaycan: idmandakı növbəti addımlar" adlanır.
Süjetdə ölkənin özünü qlobal idman arenasında təsdiqlədə bilmək üçün hansı addımlar atdığından bəhs olunur.
Rubrikanın budəfəki buraxılışı Azərbaycanda qədim dövrlərdən təşəkkül tapmış idman növünə - sərbəst güləşə həsr edilib.
Buraxılışda həmçinin ölkədə bu idman növü üzrə gənc kadrların hazırlanması, eləcə də qadınlar arasında sərbəst güləşin inkişaf etdirilməsi üçün atılan addımlardan bəhs olunur.
CNN-in "Yolda" rubrikası dünya ölkələrinin mədəniyyətindən, irsindən və adət-ənənəsindən bəhs edir.