Tbilisi. 30 noyabr. REPORT.AZ/ Azərbaycan
“Report”un Gürcüstan bürosu xəbər verir ki, Tbilisidə Mirzə Fətəli Axundov adına Azərbaycan Mədəniyyəti Muzeyində kitabın təqdimat mərasimi keçirilib.
Nəşri gürcü dilinə şair və tərcüməçi Robert Mesxi tərcümə edib.
Tədbirdə kitabın 2007-ci ildə İsraildə işıq üzü gördüyü qeyd olunub. Kitab İsrailə köçmüş bakılıların köhnə Bakı haqqında xatirələrinin yer aldığı hekayələr toplusudur.
Bildirilib ki, R.Mesxi kitabı yüksək peşəkarlıqla tərcümə edib və müəllifin stilinin əsas ştrixlərini qoruyub saxlaya bilib.
Tədbir iştirakçıları kitabın gürcü oxucularının zövqünə uyğun nəşr olunduğunu vurğulayıblar.
Təqdimat mərasimində Azərbaycanın Gürcüstandakı səfiri Dursun Həsənov, Suxum Dövlət Universitetinin rektoru Zurab Xonelidze, gürcü və azərbaycanlı ziyalılar iştirak ediblər.