Yuxarı

Mixail Şvıdkoy: "Azərbaycan AİB-in iri birgə mədəni və elmi layihələrində iştirak edə bilərdi"

​Şvıdkoy: "Azərbaycan AİB-in layihələrində iştirak edə bilərdi"

"Azərbaycan Avrasiya İqtisadi Birliyinin iri birgə mədəni və elmi layihələrində iştirak edə bilərdi".

"Report" xəbər verir ki, bunu Rusiya Prezidentinin beynəlxalq mədəni əməkdaşlıq üzrə xüsusi nümayəndəsi, MDB-yə üzv dövlətlərin Dövlətlərarası Humanitar Əməkdaşlıq Fondunun idarə heyətinin həmsədri Mixail Şvıdkoy Sankt-Peterburqda jurnalistlərə açıqlamasında deyib.

"AİB həmçinin Birliyə daxil olmayan ölkələrlə, məsələn, Azərbaycanla böyük birgə layihələrin yaradılması üçün əlverişli platformadır. Xüsusən də indi - Azərbaycanda müxtəlif mədəniyyət, elm və təhsil və s. sahələrdə əməkdaşlıq edildiyi vaxtda", - M.Şvıdkoy bildirib.

Onun sözlərinə görə, postsovet məkanının hər bir ölkəsi öz maraqlarına uyğun hərəkət edir: "Bununla belə, bu məkanda müxtəlif sahələrdə əməkdaşlıq edən müxtəlif birliklər, o cümlədən MDB yaradılıb".

Onun fikrincə, postsovet məkanı ölkələrini birləşdirə biləcək şeylərdən biri də iqtisadi komponentlərə baxmayaraq, AİB çərçivəsində də olmaqla müxtəlif növ iri birgə humanitar layihələrin həyata keçirilməsidir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi