Macarıstanda ümummilli lider Heydər Əliyevin xatirəsinə həsr olunmuş konsert keçiriləcək

Bakı. 8 dekabr. REPORT.AZ/ Macarıstanın “Dunay” simfonik orkestrinin iştirakı ilə Azərbaycan xalqının ümummilli lideri Heydər Əliyevin xatirəsinə həsr olunmuş konsert keçiriləcək.

Azərbaycanın Macarıstandakı səfirliyindən "Report"a verilən məlumata görə, dekabrın 11-də keçiriləcək konsertdə simfonik orkestr Azərbaycanın xalq artisti, professor Yalçın Adıgözəlovun dirijorluğu ilə Azərbaycan və dünya bəstəkarlarının – Ü.Hacıbəylinin, F.Əmirovun, D.Şostakoviçin, R.Şumanın, F.Çileanın əsərlərini ifa edəcək.

Vokal partiyalar isə gənc azərbaycanlı müğənni, Milandakı La Skala opera teatrının solisti Azər Paşazadənin ifasında səslənəcək.