Bakı. 17 mart. REPORT.AZ/ Martın 27-dən aprelin 12-dək Bakıda növbəti Hindistan sərgisi keçiriləcək. "Report" xəbər verir ki, sərgi Xətai metrosunun yaxınlığında yerləşən "Amay" Ticarət Mərkəzində təşkil olunacaq.
Sərgidə təbii ipəkdən şərflər, mebellər, ədviyyat, bijuteriya, təbii daşlar, donlar, sandaletlər, suvenirlər, xalçalar, çantalar, xına və s. nümayiş ediləcək.
Sərgi zamanı uşaqlar üçün oyun parkı, hind milli rəqsləri və musiqiləri də olacaq.