Gürcüstan Prezidenti Salome Zurabişvili Tbilisi İncəsənət Sərgisinə baş çəkib.
"Report"un yerli bürosu xəbər verir ki, dövlət başçısı Azərbaycan pavilyonu ilə tanış olub.
Pavilyonda 10 azərbaycanlı rəssamın 13 əsərinin yer aldığı "Qadın Olmaq" layihəsi sərgilənib.
Layihənin müəllifi, Azərbaycanın əməkdar rəssamı Səbinə Şıxlinskaya və koordinatoru Könül Rəfiyeva Gürcüstan prezidentinə sərgilənən əsərlər barədə məlumat veriblər.