Yuxarı

Finlandiyada azərbaycanlı rəssamın rəsm sərgisi keçirilib - FOTO

Finlandiyada azərbaycanlı rəssamın rəsm sərgisi keçirilib - FOTO
Rəsm sərgisi Finlandiyanın Xamelina şəhərində baş tutub

Bakı. 28 avqust. REPORT.AZ/ Finlandiyanın Xamelina şəhərində Azərbaycanın tanınmış rəssamı, “Dostluq” Azəri-Fin Cəmiyyətinin fəal üzvü Çingiz Abbasovun rəsm sərgisi keçirilib. 

Bu barədə "Report"a cəmiyyətin sədri Təranə Nəzərova məlumat verib. 

Qeyd edək ki, Ç.Abbasov ABŞ, Avropa, o cümlədən Finlandiyada fəaliyyət göstərən bir sıra rəsm qalereyaları ilə əməkdaşlıq edir. Onun rəsmlərinə dünyanın bir çox şəxsi və korporativ kolleksiyalarında, həmçinin tanınmış alman kolleksioneri Reynhold Vürtun muzeyində, Finlandiya Prezidenti Sauli Niinistonun kolleksiyasında rast gəlmək olar.

Ç.Abbasovun yenicə tamamlanmış “Çovqan”adlı rəsm işləri Bakıda yeni açılmış Media Mərkəzində nümayiş olunub.

Bu yaxınlarda isə o I Dünya Müharibəsində iştirak etmiş əfsanəvi “Vəhşi Diviziya”nın qəhrəmanı Azərbaycan Süvari Alayına həsr etdiyi “üçlük” adlanan (триптих) böyük həcmli rəsm əsərini bitirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi