Bakıda Ümumdünya Yoqa Günü qeyd olunacaq

Bakı. 19 iyun. REPORT.AZ/ Bakıda Ümumdünya Yoqa Gününə həsr olunmuş yoqa sessiyası keçiriləcək.

Hindistanın Azərbaycandakı səfirliyindən "Report"a verilən məlumata görə, sessiya iyunun 21-də İçərişəhərdə Kiçik Qala yaxınlığında baş tutacaq.

Qeyd edək ki, BMT Baş Assambleyasının 2015-ci ildə qəbul etdiyi qərara əsasən, 21 iyun tarixi Ümumdünya Yoqa Günü kimi qeyd olunur.