Yuxarı
    Bağlamaq

    Bakıda İndoneziya Mədəniyyət Festivalı keçirilib

    Dinlə

    Bakı. 14 sentyabr. REPORT.AZ/ Bakıda keçirilən İndoneziya Mədəniyyət Günləri davam edir.

    "Report" xəbər verir ki, sentyabrın 13-də Heydər Əliyev sarayında Mədəniyyət Günləri çərçivəsində İndoneziya Mədəniyyət Festivalı keçirilib, paytaxtın sakinləri, qonaqları bu ölkənin ənənəvi musiqisi, rəqsləri və dəbi ilə tanış olmaq imkanı qazanıblar.

    Belə ki, İndoneziyanın "Tubaba Pakem" qrupu Sumatra adasının ənənəvi rəqsi olan, tarixən krallar və xüsusi fəxri qonaqlar qarşısında, indi isə İndoneziya toylarında və ya digər vacib mərasimlərdə oynanılan "Sembah Sigeh" rəqsini tamaşaçılara nümayiş etdirib. 

    Azərbaycan Dillər Universitetinin İndoneziya Mərkəzinin rəqs qrupu isə "Cecer Qandrunq" ənənəvi məhsuldarlıq rəqsini, Yava adasından ənənəvi "Rampak Kindanq" rəqsini və "İnqqanq" rəqsini ifa edib.

    Festival çərçivəsində həmçinin indoneziyalı müğənni Ameliya Onq caz kompozisiyalarını ifa edib, modellərin ənənəvi milli geyimləri sərgilədiyi moda nümayişi keçirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi