Yuxarı

Bakıda “Daşın nəğməsi” II Beynəlxalq Heykəltəraşlıq Simpoziumu keçiriləcək

Bakıda “Daşın nəğməsi” II Beynəlxalq Heykəltəraşlıq Simpoziumu keçiriləcək
Tədbirdə Azərbaycanla yanaşı, bir neçə xarici ölkənin 20 heykəltəraşı iştirak edəcək

Bakı. 27 sentyabr. REPORT.AZ/ Heydər Əliyev Fondunun təşkilatçılığı ilə oktyabrın 1-dən 10-dək Bakıda “Daşın nəğməsi” II Beynəlxalq Heykəltəraşlıq Simpoziumu keçiriləcək.

Fonddan "Report"a verilən məlumata görə, tədbirdə Azərbaycan, Ukrayna, Yeni Zelandiya, Türkiyə, İran, Tunis, İordaniya, İspaniya, Serbiya, Böyük Britaniya, Rusiya və Çindən 20 heykəltəraş iştirak edəcək.

İştirakçılar simpozium müddətində Bakının Qala qəsəbəsində açıq səma altında təbii daşlardan müxtəlif mövzuda əsərlər yaradacaqlar.

Xatırladaq ki, “Daşın nəğməsi” Beynəlxalq Heykəltəraşlıq Simpoziumu ilk dəfə 2016-cı ildə keçirilib və tədbirdə 10 ölkədən 14 heykəltəraş iştirak edib. Simpozium çərçivəsində yaradılan işlər hazırda Bakının Xətai rayonunda yerləşən “Sevirəm” park kompleksində sərgilənir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi