Yuxarı

Azərbaycanda 60 ilə yaxın tarixi olan muzey əhəmiyyətli əşyalar mədəni sərvət hesab edilməyəcək

Azərbaycanda 60 ilə yaxın tarixi olan muzey əhəmiyyətli əşyalar mədəni sərvət hesab edilməyəcək
Sərgi, qastrol səfərləri ilə bağlı təqdimat keçirilməsi ilə əlaqədar mədəni sərvətlərin müvəqqəti ixracı qaydasında dəyişiklik edilib

Bakı. 5 yanvar. REPORT.AZ/ Nazirlər Kabineti “Sərgi, qastrol səfərləri, bərpa işləri, təqdimat, beynəlxalq mədəniyyət tədbirlərinin keçirilməsi ilə əlaqədar mədəni sərvətlərin müvəqqəti ixracı Qaydası”nda dəyişiklik edib.

“Report”un xəbərinə görə, sənədi baş nazir Artur Rasi-zadə imzalayıb.

Qaydanın 2.2.6-cı bəndində edilən dəyişikliyə əsasən, qədim nadir kolleksiyalar və 1960-cı ildən əvvəlki dövrə aid olan muzey əhəmiyyətli əşyalar (o cümlədən, mebel, musiqi alətləri və s.) Azərbaycanın milli mədəniyyət əmlakının Dövlət Siyahısına daxil edilmiş daşınar mədəni sərvətlər hesab edilir.

Qayda indiyədək belə idi: “Qədim nadir kolleksiyalar və otuz ildən çox tarixi olan muzey əhəmiyyətli əşyalar (o cümlədən, mebel, musiqi alətləri və s.) Azərbaycanın milli mədəniyyət əmlakının Dövlət Siyahısına daxil edilmiş daşınar mədəni sərvətlər hesab edilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi