Yuxarı

Azərbaycan Dövlət Simfonik Orkestri bədii heyətinin işçilərinin maaşı 500 manat artırılıb

Azərbaycan Dövlət Simfonik Orkestri bədii heyətinin işçilərinin maaşı 500 manat artırılıb
Prezident İlham Əliyev bununla bağlı sərəncam imzalayıb

Bakı. 3 noyabr. REPORT.AZ/ Prezident İlham Əliyev Üzeyir Hacıbəyli adına Azərbaycan Dövlət Simfonik Orkestrinin bədii heyətinin işçilərinin sosial müdafiəsinin gücləndirilməsi haqqında sərəncam imzalayıb. 

"Report"un məlumatına görə, sərəncam Azərbaycan mədəniyyətinin inkişafında, müasir ifaçılıq sənətimizin, milli və dünya klassik musiqisinin təbliğində uzunillik səmərəli fəaliyyəti ilə seçilən Üzeyir Hacıbəyli adına Azərbaycan Dövlət Simfonik Orkestrinin rolunu nəzərə alaraq onun işçilərinin sosial müdafiəsinin gücləndirilməsi məqsədi ilə imzalanıb. 

Sərəncamla 2017-ci il noyabrın 1-dən Üzeyir Hacıbəyli adına Azərbaycan Dövlət Simfonik Orkestrinin bədii heyətinə aid olan işçilərinin aylıq vəzifə maaşlarına 500 manat məbləğində Azərbaycan Respublikasının Prezidentinin əlavəsi müəyyən edilib.

Nazirlər Kabinetinə bu sərəncamdan irəli gələn digər məsələləri həll etmək tapşırılıb.

Bu sərəncam imzalandığı gündən qüvvəyə minir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi