Xəyyam Mirzəzadə Azərbaycan Respublikası Prezidentinin fəxri diplomu ilə təltif edilib

Bakı. 2 oktyabr. REPORT.AZ/ Prezident İlham Əliyev Xəyyam Mirzəzadənin “Azərbaycan Respublikası Prezidentinin fəxri diplomu” ilə təltif edilməsi haqqında sərəncam imzalayıb.

"Report"un məlumatına görə, sərəncamla Azərbaycan musiqisinin təbliğində və musiqiçi kadrların hazırlanmasında xidmətlərinə görə Xəyyam Hadı oğlu Mirzəzadə “Azərbaycan Respublikası Prezidentinin fəxri diplomu” ilə təltif edilib.