Uşaq musiqi məktəblərinə işə qəbul test üsulu ilə aparılacaq

Uşaq musiqi, incəsənət, rəssamlıq, muğam, aşıq məktəb və mərkəzlərinə müəllimlərin işə qəbulu test üsulu ilə aparılacaq.

"Report" xəbər verir ki, bu, mədəniyyət naziri Anar Kərimovun təsdiqlədiyi yeni qaydalarda əksini tapıb.

Test imtahanlarının vaxtı ve keçiriləcəyi yer barədə məlumatlar imtahanın keçirilməsinə azı 30 gün qalmış Mədəniyyət Nazirliyinin rəsmi internet informasiya ehtiyatında və kütləvi informasiya vasitələrində elan olunacaq.

Test imtahanı zamanı namizədlərə 70 test tapşırığı təqdim olunacaq və bu tapşırıqların yerinə yetirilməsi üçün 2 saat vaxt ayrılacaq. Hər bir düzgün cavab 1 balla qiymətləndiriləcək. Test imtahani müvafiq vakant vəzifənin fəaliyyət istiqaməti üzrə ixtisas biliklərini qiymətləndirmək üçün 40, pedaqoji bacarıqlarını va tədris prosesində şagirdlərlə davranışını müəyyən etmək üçün 10, ümumi dünyagörüşünü əhatə edən 10 və namizədin məntiqi düşünmə bacarığını müayyən etmək üçün 10 test tapşırığından ibarət olacaq.

Test imtahanında toplanması mümkün olan maksimum nəticə 100 faizlə ifadə edilir. İmtahanda təqdim edilmiş test tapşırıqlarından 50 faizini cavablandıraraq 35 bal toplamış namizədlər (Bakı, Sumqayit vo Gonce şeharlarinde, Abşeron rayonunda yerləşən məktəb və mərkəzlərdə işə qəbul olunmaq istəyan namizədlər istisna olmaqla) uğur qazanmış hesab ediləcək.

Bakı şəhərində yerləşən məktəb və mərkəzlər üzrə işə qəbul üçün imtahanda təqdim edilmiş test tapşırıqlarından 70 faizini düzgün cavablandıraraq 49 bal; Sumqayıt və Gəncə şəhərlərində, Abşeron rayonunda yerləşən məktəb və mərkəzlər üzrə işə qəbul üçün imtahanda təqdim edilmiş test tapşırıqlarından 60 faizini düzgün cavablandəraraq 42 bal toplamış namizədlər uğur qazanmış hesab edilir.

Test imtahan mərhələsinin nəticələri test imtahan nəticəsi haqqında arayışla rasmiləşdiriləcək. Test mərhələsində tələb olunan keçid balını toplayaraq uğur qazanan namizədlər müsahibə mərhələsinə buraxılacaq. Müsahibənin vaxtı və keçiriləcəyi yer barədə namizədə azı 5 iş günü əvvəldən məlumat veriləcək.