Yuxarı
    Bağlamaq

    Tbilisidə Polad Bülbüloğlunun yubiley gecəsi keçiriləcək

    Konsert məşhur azərbaycanlı bəstəkar və müğənninin 70 illik yubileyinə həsr olunub

    Bakı. 20 fevral. REPORT.AZ/ Fevralın 21-də Cansuqa Kaxidze adına Tbilisi Musiqi Mədəniyyət Mərkəzində məhşur azərbaycanlı müğənni və bəstəkar, Azərbaycanın Rusiyadakı səfiri Polad Bülbüloğlunun yubiley gecəsi keçiriləcək. 

    "Report" Gürcüstan KİV-inə istinadən xəbər verir ki, bu barədə Gürcüstan Mədəniyyət və Abidələrin Mühafizəsi Nazirliyindən bildiriblər. 

    Konsert Polad Bülbüloğlunun 70 illik yubileyinə həsr olunub  Tədbir Azərbaycan səfirliyi və "XXI əsr mədəniyyətlər dialoqu" Cəmiyyətinin dəstəyi ilə Gürcüstan Mədəniyyət Nazirliyi tərəfindən təşkil olunub. 

    Tədbirin proqramına müğənninin repertuarından populyar mahnılar, kinofilmlərə yazılan musiqilər və "Sevgi və ölüm" baletindən fraqmentlər daxil edilib. Gecənin baş dirijoru, Azərbaycanın xalq artisti Cavanşir Cəfərovdur. 

    Mədəniyyət Nazirliyinin məlumatına görə, fevralın 20-də Tbilisiyə səfəri zaman P.Bülbüloğlu atası, məşhur azərbaycanlı tenor Bülbülün (Murtuza Məşədi Rza oğlu Məmmədov) Tbilisidəki Mirzə Fətəli Axundov adına Azərbaycan Mədəniyyət Muzeyinin ərazisində heykəlinin təntənəli açılış mərasimində iştirak edib.

    Fevralın 19-da P.Bülbüloğlu Gürcüstanın mədəniyyət və abidələrin mühafizəsi naziri Miail Giorqadze ilə görüşüb. Nazirlikdə keçirilən görüşdə iki ölkə arasında münasibətlərin inkişafı və dərinləşdirilməsi məsələləri müzakirə olunub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi