Seulda Azərbaycan musiqisi gecəsi keçiriləcək

Bakı. 24 oktyabr. REPORT.AZ/ Koreya Respublikasının paytaxtı Seulda Azərbaycan musiqisi gecəsi keçiriləcək.

"Report" Azərbaycanın Koreya Respublikasındakı səfirliyinə istinadən xəbər verir ki, konsert Azərbaycan da daxil olmaqla 5 ölkənin iştirak edəcəyi Türk Mədəniyyəti Günləri çərçivəsində noyabrın 9-da baş tutacaq.

Konsert çərçivəsində "Natiq ritm qrupu"nun, "Muğam" beynəlxalq ansamblının, Elçin Şirinovun caz qrupunun, Azərbaycan Dövlət Mahnı və Rəqs Ansamblının çıxışları olacaq.