Nazir: "Nizaminin, Füzulinin irsinin mənimsənilməsinin qarşısını almaqda qərarlıyıq”

Nazir: "Nizaminin, Füzulinin irsinin mənimsənilməsinin qarşısını almaqda qərarlıyıq” “Təəssüflər olsun ki, bəzi ölkələrdə qəsdən Azərbaycana aid olan görkəmli şəxsiyyətlər, sənət əsərləri ya fars, ya da erməni kimi təqdim edilir”.
Mədəniyyət siyasəti
236
15 Noyabr , 2021 13:04
Nazir: Nizaminin, Füzulinin irsinin mənimsənilməsinin qarşısını almaqda qərarlıyıq”
Anar Kərimov

“Təəssüflər olsun ki, bəzi ölkələrdə qəsdən Azərbaycana aid olan görkəmli şəxsiyyətlər, sənət əsərləri ya fars, ya da erməni kimi təqdim edilir”.

“Report” xəbər verir ki, bunu mədəniyyət naziri Anar Kərimov ABŞ-ın Metropoliten Muzeyində Nizami Gəncəvinin fars şairi kimi təqdim edilməsinə münasibət bildirərkən deyib.

“Bu illərdir bizə qarşı aparılan böyük bir kampaniyadır. Mütəmadi olaraq xaricdə olan tərəfdaşlarımızı və mədəniyyət insitutlarını xəbərdar etməyə çalışırıq. Burada məlumatlılıq səviyyəsinin artırılması önəmlidir. Dünyaya göstərməliyik ki, Nizami Gəncəvi də, Füzuli də, xalçalarımız da Azərbaycan xalqına, yaradıcılığına məxsusdur. Bu, uzunmüddətli bir işdir, amma bu işi görməliyik. Çünki başqa cür mənimsəmə faktları çox olur. Bu cür mənimsəmələrin qarşısını almaqda qərarlıyıq”, - nazir bildirib.

Son xəbərlər

Orphus sistemi