Yuxarı

Əbülfəs Qarayev: “Terrorizm bütün dünyanı narahat edir"

Terrorizm xəstəlik kimi bir şeydir

Bakı. 25 aprel. REPORT.AZ/ “Terrorizm bütün dünyanı narahat edir. Amma bu məsələni hansısa bir ölkəyə bağlamaq düzgün deyil. Terrorizm xəstəlik kimi bir şeydir. Bu məsələ ilə bağlı birgə mübarizə aparmalıyıq”.

“Report”un xəbərinə görə, bunu mədəniyyət və turizm naziri Əbülfəs Qarayev BMT-nin Sivilizasiyalar Alyansının VII Qlobal Forumu ilə bağlı keçirilən mətbuat konfransında deyib.

O bildirib ki, terorizmin yaranma səbəbləri var: “Hazırda dünyada terror təhlükəsi var. Təəssüflər olsun ki, bəzi hallarda terror İslam dini ilə əlaqələndirilir. Məncə, terrorizm təhsilin, inancların olmadığı mühitdə formalaşır. Yaxın Şərqdə olan problemlərdən biri marginallaşmadır. İnsanın təcrid olunması bu cür mənfi hallara gətirib çıxarır”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi