Əbülfəs Qarayev Lənkəranda vətəndaşları qəbul edəcək

Bakı. 14 aprel. REPORT.AZ/ Mədəniyyət və turizm naziri Əbülfəs Qarayev Lənkəran şəhərində vətəndaşları qəbul edəcək.

Mədəniyyət və Turizm Nazirliyinin İnformasiya və ictimaiyyətlə əlaqələr şöbəsindən "Report"a verilən məlumata görə, qəbul aprelin  21-i saat 11-də Lənkəran şəhəri Mədəniyyət Mərkəzində ( Zərifə Əliyeva küçəsi, 99 ) keçiriləcək.

Qəbulda Astara, Lerik, Masallı, Cəlilabad, Yardımlı rayonlarından və Lənkəran şəhərindən olan vətəndaşlar iştirak edəcək.  

Vətəndaşlar nazirliyin [email protected] elektron poçt ünvanı, e-services. mct.gov.az elektron xidmətlər saytı, telefon məlumat sistemi (qaynar xətt): 147 və ya (012) 493-55-21 nömrəli telefon vasitəsi ilə (əlaqələndirici şəxs Pərviz İsgəndərli) qəbula yazıla bilərlər.

Qəbula yazılmaq istəyən vətəndaşlar, həmçinin yuxarıda adları qeyd edilən rayonların mədəniyyət və turizm şöbələri ilə əlaqə saxlaya bilərlər.