Batumidə "Xəmsə" baletinin premyerası keçirilib

Batumidə "Xəmsə" baletinin premyerası keçirilib Balet Polad Bülbüloğlunun musiqisi əsasında səhnələşdirilib
Mədəniyyət siyasəti
154
15 Avqust , 2016 10:41
Batumidə Xəmsə baletinin premyerası keçirilib

Bakı. 15 avqust. REPORT.AZ/ Gürcüstanın Batumi şəhərindəki Yay teatrında dahi Azərbaycan şairi və mütəfəkkiri Nizami Gəncəvinin "Xəmsə" əsəri əsasında hazırlanan eyni adlı baletin premyerası keçirilib.

Azərbaycanın Batumidəki baş konsulluğundan "Report"a verilən məlumatına görə, premyera Gürcüstanın "Mədəniyyətlər dialoqu - XXI əsr" Assosiasiyasının prezidenti Valeri Asatianinin təşəbbüsü ilə Georgi Aleksidze adına Tbilisi müasir balet kamera truppasının ifasında, truppanın bədii rəhbəri Məryəm Aleksidzenin rəhbərliyi altında baş tutub.

Balet məşhur bəstəkar və müğənni, Azərbaycanın Rusiyadakı səfiri, Azərbaycan xalq artisti, Tbilisi şəhərinin fəxri vətəndaşı Polad Bülbüloğlunun musiqisi əsasında səhnələşdirilib.

Baletin premyerasında Azərbaycanın Batumidəki baş konsulu Rəşad İsmayılov da iştirak edib.

Son xəbərlər

Orphus sistemi