Bakıda Milad bayramı konserti keçiriləcək

Bakı. 27 noyabr. REPORT.AZ/ Bakıda Milad bayramı konserti olacaq. "Report"un Almaniyanın Azərbaycandakı səfirliyinə istinadən verdiyi məlumata görə, konsert Kapellhausda (Alman lüteran kilsəsində) dekabrın 6-da keçiriləcək.

Konsertdə Milad bayramına həsr olunmuş müxtəlif kompozisiyalar səslənəcək. Eyni zamanda, ziyarətçilər kitablar, CD-lər, əl işləri məhsulları ala bilərlər, həmçinin hədiyyəli oyunlar da keçiriləcək.