Yuxarı
    Bağlamaq

    Bakıda Koreya mətbəxi festivalı keçirilib

    Səfir: Yemək mədəniyyətin ən vacib elementidir

    Bakı. 8 iyun. REPORT.AZ/ “ASAN xidmət”də Koreya Mətbəxi Festivalı keçirilib. 

    "Report" xəbər verir ki, tədbir Mədəniyyət və Turizm Nazirliyi, Koreyanın Azərbaycandakı səfirliyi və Vətəndaşlara Xidmət və Sosial İnnovasiyalar üzrə Dövlət Agentliyinin birgə təşkilatçılığı ilə "Multikulturalizm ili" çərçivəsində baş tutub.

    Tədbirdə mədəniyyət və turizm naziri Əbülfəs Qarayev, Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov, Koreyanın Azərbaycandakı səfiri Kim Çanq Qyu iştirak edib.

    Mədəniyyət və turizm naziri Əbülfəs Qarayev bildirib ki, Azərbaycanın multikulturalizm prosesində fəal yer tutması ilə bağlı dünyada çox müsbət rəy formalaşıb: "Azərbaycanda son vaxtlar milli mətbəx, kulinariya bir mədəniyyət sahəsi kimi qiymətləndirilir. Mətbəx hər bir xalqın, kəndin, şəhərin, bölgənin simasıdır".

    Koreyanın Azərbaycandakı səfiri Kim Çanq Qyu tədbirin təşkil olunmasında təşəbbüs göstərən hər kəsə təşəkkür edib. O bildirib ki, burada iştirak edən aşbazlar uzun müddət Koreya prezidentinin iqamətgahında işləyiblər: "Yemək mədəniyyətin ən vacib elementidir".

    İnam Kərimov qeyd edib ki, festivalın keçirilməsində məqsəd bəşəri ideyaların, adət-ənənələrin və mədəniyyətlərarası dialoqun inkişaf etdirilməsidir: "Belə tədbirlərin davamlı olması planlaşdırılır".

    Tədbir çərçivəsində vətəndaşlar Koreya mətbəxinin müxtəlif təamlarını dadıb, həm də zəngin mətbəx haqqında geniş məlumat əldə ediblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi