Yuxarı
    Bağlamaq

    Bakıda Həştərxan vilayəti ilə bağlı sərgi keçiriləcək

    Gələn il Həştərxanda Azərbaycan Mədəniyyəti Günləri keçirilməsi planlaşdırılır

    Bakı. 22 sentyabr. REPORT.AZ/ Həştərxan vilayətinin hökumət sədri Konstantin Markelov II Xəzər Media Forumu çərçivəsində rabitə və yüksək texnologiyalar nazirinin müavini Elmir Vəlizadənin başçılıq etdiyi Azərbaycan nümayəndə heyəti ilə görüşüb.

    "Report" Həştərxan KİV-inə istinadən xəbər verir ki, görüş zamanı E.Vəlizadə bir sıra sahələr üzrə Həştərxan vilayəti ilə əməkdaşlıqda və təcrübə mübadiləsində maraqlı olduğunu bildirib.

    K.Markelov Azərbaycan tərəfinə vilayətin gələn ilə təsadüf edən yubileyi haqqında danışıb: "Rusiya prezidenti Vladimir Putin vilayətin 300 illiyi şərəfinə təntənəli mərasim keçirilməsi barədə tapşırıq verib. İndi bu tədbirə hazırlıq işləri gedir. Bayramımıza Azərbaycan nümayəndə heyətinin gəlişi qürurverici olardı".

    Həştərxan vilayətinin hökumət sədri həmçinin yibiley ilində Həştərxanda Azərbaycan Mədəniyyəti Günləri keçirilməsi planından da söz açıb.

    Bakıda isə Həştərxan vilayəti ilə bağlı informasiya və mədəniyyət sərgisi keçiriləcək. Sərgidə Həştərxanda arxivində saxlanılan nadir şəkillər və sənədlər, eləcə də Bakıda yaşamış və işləmiş məşhur isveçli alim Alfred Nobel barədə sənədlərin orijinal nüsxələri nümayiş olunacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi