Yuxarı
    Bağlamaq

    Azərbaycanla Gürcüstan arasındakı mədəni sahədə əlaqələrin inkişafı müzakirə olunub

    Əbülfəs Qarayev Tbilisidə Gürcüstanın baş naziri Giorgi Kvirikaşvili tərəfindən qəbul edilib

    Tbilisi. 8 dekabr. REPORT.AZ/ Gürcüstanda səfərdə olan Azərbaycanın mədəniyyət və turizm naziri Əbülfəs Qarayev dekabrın 8-də baş nazir Giorgi Kvirikaşvili ilə görüşüb.

    “Report”un Gürcüstan bürosu xəbər verir ki, görüşdə Azərbaycan ilə Gürcüstan arasındakı strateji tərəfdaşlığın daha da möhkəmlənməsindən məmnunluq ifadə olunub. Strateji tərəfdaşlığın mədəni sahələrdə əlaqələrin inkişafına geniş imkanlar yaratdığı qeyd olunub. Tərəflər bu əlaqələrin daha da inkişaf etməsində maraqlı olduqlarını bildiriblər.

    Görüşdə həmçinin Gürcüstan ilə Avropa İttifaqının birgə təşkil etdikləri “Mədəniyyət və yaradıcılıq, innovasiyalar və yaradıcılıq” layihəsinin əhəmiyyəti, dekabrın 8-də Tbilisidə keçirilən beynəlxalq forumun mədəni əlaqələrin inkişafındakı rolu, yaradıcı sənayenin, yeni texnologiyaların, inkişaf təşəbbüslərinin yerlərdə və regionlarda reallaşdırılmasının vacibliyi barədə fikir mübadiləsi aparılıb.

    Mədəniyyətin şaxələndirilməsi, turizmin inkişafı, turistlərin sayının artım dinamikası yüksək qiymətləndirlib.

    Bildirilib ki, iki ölkənin digər sahələrdə olduğu kimi, mədəni sahədə də əməkdaşlığı, yaradıcı sənayenin inkişafı böyük uğurlara nail olmağa imkan yaradır.

    Görüşdə qarşılıqlı maraq doğuran digər məsələlər ətrafında da fikir mübadiləsi aparılıb.

    Görüşdə Azərbaycanın Gürcüstandakı səfirinin birinci müavini Dursun Həsənov, Milli Məclisin deputatı Rauf Əliyev və digər rəsmi şəxslər iştirak ediblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi