Yazıçılar Birliyinin sədri qazaxıstanlı həmkarına məktub göndərib

Azərbaycan Yazıçılar Birliyinin sədri Anar Rzayev Qazaxıstan Yazıçılar Birliyinin sədri Uluqbəy Esdövlətə məktub göndərib.

"Report" xəbər verir ki, məktubda deyilir:

"Hörmətli Uluqbəy Esdövlət,

Dost və qardaş Qazaxıstandan gələn xəbərlər hamımızı sarsıdır və ağrılıdır. 2022-ci ilin ilk günlərindən Qazaxıstanda sabitliyin pozulması, iğtişaşlar, vətəndaş qarşıdurması, qan tökülməsi təəssüf doğurur. Bu hadisələrdə insanların həlak olması böyük itkidir və bizi hədsiz kədərləndirir. Tezliklə sabitliyin bərqərar olunmasını, bu ağrı-acıların arxada qalmasını arzulayır, Qazax xalqına xoşbəxt gələcək diləyirik".