Yuxarı

​Ancelina Coli İraqda qaçqın düşərgəsində olub

Əvvəlki səfərimdən sonra humanitar vəziyyətin pisləşməsi heyrətləndirir

Bakı. 26 yanvar. REPORT.AZ/ Amerikalı aktrisa Ancelina Coli İraq Kürdüstanında yerləşən Dahuk şəhərində suriyalı və iraqlı qaçqınların düşərgəsini ziyarət edib.

"Report" xəbər verir ki, bu barədə BMT-nin saytında məlumat yerləşdirilib.

Qeyd olunur ki, Ancelina Colinin BMT-nin Qaçqınların işi üzrə Ali Komissarı İdarəsinin xüsusi elçisi qismində 2014-cü ilin sentyabrında son səfərindən bu yana regionda humanitar vəziyyət Suriya və İraqda gərginliyin artması ilə əlaqədar olaraq kəskin şəkildə pisləşib.

"Əvvəlki səfərimdən sonra humanitar vəziyyətin pisləşməsi heyrətləndirir. 2014-cü ildə zorakılıq dalğası səbəbindən iki milyondan çox iraqlı öz ev-eşiyini tərk etmək məcburiyyətində qalıb", - deyə Ancelina Coli bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi