​ABŞ-da yük maşınının sürücüsü lotereyada 153 mln. dollar udub

Bakı. 31 iyul. REPORT.AZ/ ABŞ-ın Virciniya ştatından olan sürücü lotereyada 153 mln. dollar udub.

Bu barədə "Report" "RİA Novosti"yə istinadən xəbər yayıb.

Qanuna görə, yük maşınını idarə edən 52 yaşlı Stiven Pelokin vergiləri ödədikdən sonra 92 mln. dollar alacaq.

O, uduşlu bileti yük avtomobili dayanacaqlarının birindən aldığını deyib.

Xoşbəxt bileti satan Pensilvaniya ştatında, Miltonda yerləşən yük avtomobilləri stansiyası 100 min dollar mükafat alacaq.

Bu, Pensilvaniya ştatının tarixində dördüncü bu cür iri uduşdur.

Pelokinin sözlərinə görə, o, indi işini ataraq ailəsi ilə birlikdə daha çox vaxt keçirə biləcək.