Bakı. 2 yanvar. REPORT.AZ/ Yeni il gecəsi ərzində Fransada xuliqanlar tərəfindən 804 maşın yandırılıb.
"Report" TASS-a istinadən xəbər verir ki, bu barədə ölkənin daxili işlər naziri Bernar Kaznev məlumat verib.
Onun sözlərinə görə, bu, ötən ilin analoji dövrü ərzindəkindən 14,5% azdır. O zaman 940 avtomobil yandırılmışdı.
Bununla belə yaxalanan xuliqanların sayı iki dəfə artaraq 622 nəfərə çatıb. Tutulanlardan 368 nəfəri müvəqqəti həbs altına alınıb.