Yuxarı

Avstraliyaya qar yağıb

Sinoptiklər həftənin sonuna qədər qarlı hava proqnozlaşdırırlar

Bakı. 14 İyul. REPORT.AZ/ Avstraliyanın cənub-şərqində güclü küləklə müşahidə olunan qar yağıb.

"Report" xəbər verir ki, pis hava şəraitindən daha çox Viktoriya və Yeni Cənubi Uels ştatları zərər çəkib.

Antarktidadan ölkəyə daxil olan külək saatda 90 km sürətlə əsir. Küləyin sürəti bəzi bölgələrdə 125 km-ə çatır. Kvinslend ştatına isə qar son iki ildə ilk dəfə olaraq yağıb. Qar altında qalan bölgələrdə temperatur 0 dərəcəyə yaxın səviyyədə dəyişir.

Sinoptiklər həftənin sonuna qədər qarlı hava proqnozlaşdırırlar.

Qeyd edək ki, iyunun 1-dən Avstraliyada qış fəsli başlayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi