Yuxarı
    Bağlamaq

    ​Yaponiyada selfi çubuqlarını qadağan edirlər

    Məhdudiyyətləri Mie prefekturasındakı Nagashima Spa Land əyləncə parkı tətbiq edib

    Bakı. 19 avqust. REPORT.AZ/ Yaponiyada ictimai yerlərdə selfi çubuqlarının istifadəsinə qadağalar tətbiq olunmağa başlayıb. "Report" xarici KİV-ə istinadən xəbər verir ki, bir müddət əvvəl müvafiq məhdudiyyətləri Mie prefekturasındakı "Nagashima Spa Land" əyləncə parkı tətbiq edib. Hazırda insanlar selfi üçün çubuqlarla hovuz və attraksiona buraxılmır.   

    İyun ayında bu cür qadağalar Ayti prefekturasındakı İnuyama şəhərində meymunlar parkında tətbiq olunub, çünki onun ərazisi elektrik hasarla əhatə olunub, həm də bu cür qurğuları meymunlar diqqətsiz turistlərin əlindən asanlıqla ala bilər. 

    Məhdudiyyətlər tədricən dəmir yolunda da qoyulmağa başlayıb. "JR Tokai" şirkətinin əməkdaşları stansiyalarda yüksək gərginlikli xətlərin yaxın olması ilə bağlı selfi çubuqlarından istifadənin təhlükəli olması haqqında xəbərdarlıq edir. Bundan başqa, bir çoxları sürətli ekspresslərlə şəkil çəkdirməyə can atır və bunun üçün platformanın kənarına dayanır.

    İyul ayından ABŞ-ın "Walt Disney" şirkəti də öz attraksionlarında selfi çubuqlarının istifadəsinə qadağa qoyub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi