Yuxarı
    Bağlamaq

    Putin ağır xəstəlikdən əziyyət çəkən uşağın arzusunu yerinə yetirəcək

    Bakı. 20 dekabr. REPORT.AZ/ Rusiya Federasiyasının prezidenti Vladimir Putin ağır xəstəlikdən əziyyət çəkən qızın arzusunu yerinə yetirərək ona müsahibə verəcək.

    "Report" RİA "Novosti"yə istinadən xəbər verir ki, bu barədə Rusiya liderinin mətbuat katibi Dmitri Peskov bildirib.

    "Telestudiyada bir qız vardı. O, hətta prezidentdən kiçik müsahibə almaq istəyirdi. Ümid edirik ki, lap tezliklə o, bu müsahibəni alacaq", - deyə Peskov bildirib.

    Prezidentin mətbuat katibi qeyd edib ki, Vladimir Putinin uşaqların arzusunu yerinə yetirməsi reytinqlə bağlı deyil. Könüllülər Putinə özlərinin ağır xəstə uşaqların arzusunu yerinə yetirməklə bağlı layihələrini göstəriblər.

    Putin həmçinin Peterburqu quş uçuşu yüksəkliyindən görmək istəyən xəstə uşağın da arzusunu yerinə yetirib. Dekabrın 15-də prezident oğlanla və onun yaxınları ilə çay içib. Dövlət başçısı ona hədiyyələr bağışlayıb, sonra isə uşağı şəxsən özünün helikopterinə qədər aparıb.  

    Daha əvvəl Rusiya prezidenti Vladimir Putin sələfi Boris Yeltsin tərəfindən bu vəzifə ona təklif ediləndə dövlət başçısı olmaq istəmədiyini, o zaman buna hazır olmadığını deyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi