Yuxarı
    Bağlamaq

    Vyetnamda xəstənin qarnından 18 il əvvəl unudulmuş tibb qayçısı çıxarılıb

    On beş santimetrlik qayçı 1998-ci ilə aparılan əməliyyat zamanı unudulub

    Bakı. 4 yanvar. REPORT.AZ/ Vyetnamda həkimlər xəstənin qarın nahiyəsindən 18 il əvvəl aparılan əməliyyat zamanı orada unularaq qalmış tibb qayçısını çıxardıblar.

    "Report" "BBC News"a istinadən xəbər verir ki, yad cism yol qəzasından sonra aparılan ultrasəs müayinəsi zamanı 54 yaşlı Ma Van Nxatanın bədənində aşkar edilib.

    Alətin qarından çıxarılması üzrə əməliyyat təqribən 3 saat davam edib.

    On beş santimetrlik qayçını 1998-ci ildə əməliyyat aparmış həkimlər unudublar. Ma Van Nxat həmin vaxt da yol qəzasından sonra xəstəxanaya yerləşdirilib.

    Bu müddət ərzində əşya pasla örtülüb və bir sıra daxili orqanlara yapışıb. Lakin, kişinin sözlərinə görə, bu illər ərzində o, xüsusi bir narahatlıq hiss etməyib. Xəstənin qarnında ağrılar bu yaxınlarda başlayıb və ağrıkəsici dərmanlar fayda verməyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi