Bakı. 11 fevral. REPORT.AZ/ Britaniyanin "Spice Girls" pop qrupunun keçmiş üzvü Viktoriya Bekhem qrupa qoşulması barədə xəbəri təkzib edib.
"Report" xəbər verir ki, bu barədə "Vogue" məlumat yayıb.
"Mən qastrola hazırlaşmıram. "Spice Girls" tura hazırlaşmır", - deyə Bekhem nəşrə bildirib.
Keçmiş qrup üzvü hazırda paltar dizaynı ilə məşğuldur və Nyu-Yorkda yeni kolleksiyasının nümayışinə hazırlıq görür.
Daha əvvəl mətbuat xəbər vermişdi ki, "Spice Girls" qrupunun birləşmiş üvləri dünya turuna çıxmaq niyyətindədirlər.