Yuxarı
    Bağlamaq

    Vaşinqtonda “Uşaqlar üçün Novruz” adlı tədbir keçirilib

    Amerikanın Azərbaycanlı Qadınlarının təşkil etdiyi tədbir əyləncə ilə yanaşı, maarifləndirici xarakter daşıyıb

    Bakı. 24 mart. REPORT.AZ/ Övladları üçün Novruz əhval-ruhiyyəsi yaratmağa çalışan Amerikada yaşayan azərbaycanlılar böyük bayram tədbiri keçirib.

    "Report"un Amerikanın Səsinə istinadən verdiyi xəbərə görə, “Uşaqlar üçün Novruz” adlı tədbir Vaşinqton və ətrafında yaşayan azərbaycanlı ailələrin böyük marağını toplayıb.

    "Amerikanın Azərbaycanlı Qadınları"nın təşkil etdiyi bu mərasim əyləncə ilə yanaşı maarifləndirici xarakter daşıyıb.

    Belə ki, uşaqlar Azərbaycanın himnini oxuyandan sonra, xəritə, bayraq, gerb haqda, eləcə də Novruz bayramı və Azərbaycanın bəzi görməli yerləri barədə məlumatlar əldə edib. Kosa və keçəlin macəralarını göstərən video uşaqların marağına səbəb olub.

    Şəkərbura, paxlama və qoğallardan dadan uşaqlar üçün milli rəqs də hazırlanıb.

    Uşaqların əyləncəsi 2 saatdan çox rəqslər, müxtəlif rəngləmə və düzəltmə fəaliyyətləri ilə davam edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi