Yaponiyalı turist ​Tac-Mahalda selfi çəkərkən ölüb

Bakı. 20 sentyabr. REPORT.AZ/ Yaponiyalı turist Hindistanda Tac-Mahal məqbərəsində selfi çəkərkən yıxılaraq başından aldığı zədə nəticəsində həyatını itirib.

"Report" BBC-yə istinadən xəbər verir ki, polis turistin yıxılandan sonra huşunu itirdiyini və xəstəxanada öldüyünü bildirib.

Şahidlərin sözlərinə əsasən, yaponiyalı turist məqbərənin qapısındakı pilləkənlərdə duraraq selfi çəkərkən yıxılıb.

Qeyd edək ki, Tac-Mahalı böyük türk imperatoru Cahan şah XVII əsrdə həyat yoldaşı Mumtaz Mahalın xatirəsinə tikdirib. Hər gün bu tarixi tikilini 12 min turist ziyarət edir.