Yuxarı
    Bağlamaq

    ​"Taliban" liderinin 5 min sözlük tərcümeyi-halı yayılıb

    Molla Ömər xaraktercə sakitdir

    Bakı. 6 aprel. REPORT.AZ/ "Molla Ömər silahlı toqquşmalarda 4 dəfə yaralanıb, o, bir gözünü itirib".

    "Report" Türkiyə KİV-inə istinadən xəbər verir ki, bu, Əfqanıstandakı "Taliban" hərəkatının lideri Molla Ömərin tərcümeyi-halında yazılıb.

    Xəbərdə bildirilib ki, bu il Molla Ömərin hərəkata liderlik etməsinin 19-cu ili tamam olur. İddialara əsasən, 5 min sözlük tərcümeyi-hal onun "bilinməyən tərəflərinə" müəyyən aydınlıq gətirib. Orada bildirilib ki, Molla Ömər 1960-cı ildə Əfqanıstanın Qəndəhar əyalətinə aid bir kənddə anadan olub. Atasının ictimaiyyət arasında sayılan şəxslərdən biri olduğu tərcümeyi-halda vurğulanıb.

    Qeyd edilib ki, Molla Ömər Əfqanıstana daxil edilmiş keçmiş sovet qoşunlarına qarşı mübarizə aparıb.

    O, 1994-cü ildə mücahidlərin, 1996-cı ildə ona inananların dini lideri olur.

    "Molla Ömər xaraktercə sakitdir", - məlumatda bildirilib.

    Mütəxəssislər Əfqanıstandakı "Taliban" hərəkatının Molla Ömərlə bağlı gözlənilməyən tərcümeyi-halını dəyərləndirərək bildiriblər ki, ölkədə İŞİD-in artan nüfuzunun qarşısını almaq üçün hərəkat təmsilçiləri bu addımı atıblar. Bununla da "Taliban" İŞİD-in məşhurluğuna qarşı Molla Ömərin tərcümeyi-halını çıxarıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi